警告：有劇透。
自覺被老蘭（友對導演Christopher Nolan的暱稱）昆咗，用啲好似好勁嘅科學理論（雖然都真係好勁，搵埋物理學家做監製），講一個老套到爆炸的主題，關於愛。
跟雙魚小姐去看Interstellar當天，得悉一行禪師病危。希望禪師平安，但同時知道，佛家的最大教誨，正是生死無常，我們終將離別所愛的人。帶著滿滿的情緒入場，看完電影，想的更多。直到走出戲院，整個人仍是呆呆的。
分析劇情的文章很多，寫得比我好，不贅。算不上影評，以下只說一些小感想。
1/「但教心似金鈿堅，天上人間會相見。」
主角Cooper的女兒Murph的名字來自Murphy’s law（梅菲定律），louder版是「所有有可能出錯的，現實中都必然會出錯」，「生命滿希望」版是「所有有可能發生的，在現實中都必然會發生」。Cooper給女兒取名Murphy，正是有希望的意思。（相反個仔好hea地就咁叫Tom，成套戲入面好明顯個仔唔係親生）
李天命有個「洗牌」論，係佢個「終極信託」理論一部份。因為啲書成日唔知借咗去邊（見字自首！），以下內容只憑記憶。大意係，相信宇宙的結局是終極圓滿，生死分離的人終將相見。因為個宇宙不斷洗牌，洗得出一次「李天命」，就會有下一次，雖然唔知隔幾耐。但在無限的時空，只要不斷洗呀洗呀洗，不斷trial and error，終有一日會洗得返呢個combination出嚟。
最近有科學家經過實驗，推論平行宇宙確實存在，而且互相影響，因此所有的可能性都會實現（“All possibilities are therefore realized – in some universes the dinosaur-killing asteroid missed Earth. In others, Australia was colonized by the Portuguese”）大概與佛教說的三千大千世界差不多？
儘管可能性只是億萬份之一，也許在某個時空，我能與所掛念的人再聚。
2/又返嚟做乜呀？
讀哲學時，老師小小地講過禪宗。又係憑記憶，有錯請指正。要成佛，先要放下所有欲望，包括成佛的欲望。因此有條件成佛的人，最後都會放棄成佛，回到人間渡化眾生，是為「菩薩」。反正全世界最後都會返來人間，也沒差，要做的是覺察自己當下已有佛性，人人皆可成佛。
如果「成佛」跟進化成四維生物的未來人類差不多，你選擇回來人間，又是為了什麼？
3/ 預見未來的自己
最後是未來的人類救了困守地球的自己，Amelia (Anne Hathaway) 在蟲洞入口觸摸到的「他們」，其實是四維空間裏的Cooper。想起博客Leona引述Ｎ年前的電影原著小說Eat Pray Love：「一粒橡木種子能長出參天大樹，因為受到兩道力的影響：一道來自種子本身，另一道則來自『未來』的那顆大樹，因為它太想見識這個世界，故使勁令種子破土而出。」想到達明天，現在就要啟程。你準備如何迎接未來的自己？
4/有愛就乜都得？
由外父感嘆主角當農民大材小用，到探險，經歷背叛，克服難關，到最後「解橋」，happy ending，很典型的荷里活故事結構，（影評人家明說的更仔細）而且唔係好明點解有愛就乜都得連時空都可以穿越，但仍會被感動（只是眼濕濕，但完場時見到不少人哭紅了眼），也是因為在電影中看到人間的愛。三個鐘無廁所位，老蘭你好嘢。
5/ 其實地球都好多地方要去
以前的災難片/探險片場景大都是海／地底，例如大白鯊系列，由Avatar 到Gravity到今次的interstellar，背景轉移到太空，是大家已經覺得地球已沒有「未知」的不安全感了嗎？但今次的外星都是在地球拍的外景，好想去冰島呀！
6/ 仲有好多戲要睇
關於心的時差，想起另一套要看但未看的動畫，新海誠的《星之聲》，一對相隔7.8光年的戀人，要看。仲有我唔敢同人講未睇過Kubrick的2001太空漫遊呀！
說不上影評，只是些雜亂的聯想。又，Dr. Mann（要殺了主角的Matt Damon）由熱血科學家變成為生存不擇手段的奸角的故事，老蘭找了著名漫畫家把沒拍出的戲份補完成漫畫，可以上網看。
No comments:
Post a Comment